Vamsi Jangam 
సీజనల్ పండు మామిడి పండు వచ్చేసింది. వేసవికాలంలో మాత్రమే దొరికే ఈ సీజనల్ పండు ఎంతో ప్రత్యేకమైనది. పండ్ల రారాజుగా చెప్పుకునే మామిడి పండ్లను ప్రతి ఒక్కరూ ఇష్టంగా తింటారు. మామిడి పండ్లను తినడం వల్ల ఆరోగ్య ప్రయోజనాలు మాత్రమే కాదు అందం కూడా పెరుగుతుంది .అంతేకాదు మామిడిపండు శృంగార సామర్థ్యాన్ని కూడా ఇట్టే పెంచుతాయి. మరి ఎన్నో విశేష గుణాలు ఉన్న మామిడిపండ్ల యొక్క గొప్పతనాన్ని తెలుసుకుందాం రండి.
ఇక మామిడి పండులో ఉండే పోషకాలు పురుషులలో శృంగార సామర్థ్యం బాగా పెంచుతాయి. శృంగార ఉద్దీపనకు మాత్రమే కాకుండా ఎన్నో ఆరోగ్య ప్రయోజనాలను కలిగించే మామిడి పండును తినడం మంచిది. అయితే అతిగా తినడం మాత్రం అనారోగ్యాలకు దారితీస్తుంది.
మామిడితో హైబీపీకి చెక్.. ఇంకా ఎన్నో ఆరోగ్య ప్రయోజనాలు ఇక మామిడి పండ్లు మనకు ఎన్నో ఆరోగ్య ప్రయోజనాలను కలిగిస్తాయి. మామిడిపండ్లలో ఉండే బీటా కెరోటిన్ ఆస్తమా నుంచి మనకు ఉపశమనం కలిగిస్తుంది. రక్తపోటు సమస్యతో బాధపడే వారు మామిడి పండ్లను తింటే మంచిది. మామిడిపండులో ఉండే పొటాషియం, మెగ్నీషియం అధిక రక్తపోటు సమస్యను తగ్గిస్తుంది. మామిడి పండులో విటమిన్ సి, ఫైబర్ పుష్కలంగా ఉండటం వల్ల ఇవి మన శరీరంలో చెడు కొలెస్ట్రాల్ ను తగ్గించడానికి దోహదం చేస్తాయి. మామిడి పండ్లను తింటే ఈ సమస్యలకు చెక్ జీర్ణ సంబంధమైన సమస్యలతో బాధపడేవారు మామిడి పండ్లను తింటే జీర్ణ సమస్యలు తగ్గుతాయి. మామిడి పండులో ఉండే పోషకాలు మన శరీరానికి మాత్రమే కాదు మన తల వెంట్రుకల కుదుళ్లకు కూడా బలాన్ని చేకూరుస్తాయి. మన జుట్టును ఆరోగ్యంగా పెరిగేలా చేస్తాయి. మామిడి పండ్లు శరీరంలోని రక్తహీనతను తగ్గిస్తాయి. కంటి సమస్యలు రాకుండా చేస్తాయి .వివిధ రకాల క్యాన్సర్ల నుండి కాపాడతాయి.
